Sfojski Humor ...

Tu prezyntujymy wom taki richtich sfojski humor ...


Blank nowe!!!

Nie tylko dla orłów - kultowe sendungi z 80-tych lot!!!


Wice:

 Franzel i Lisbet jadom w niydziela motorym na wycieczka do lasu. Naro we silniku cosik zazgrzytalo i ... Junak im nawalol.
Franzek: "No i stanol ..."
Lisbet: "No to muszymy pocisc ...!"
Franzek: " A wto bydzie na moj motor dowol pozor? ..."


Jedzie Amerykon, Rusek, Niymiec i Turek w jednym pszedziale kolejowym no i zaczynajom sie popisywac keryj mo sie lepiyj.
Amerykon zaczyno godac:
- Nosz kraj je taki bogaty ze mogymy se na wszysko pozwolic... Wstol, otworzol okno i srrrru caly plik dolcow przez okno wywalol.
Rusek popaczol chwila, podumol, i godo:
- W noszym to my tysz momy wszyskego w brud. Wstol, wyciongnol spod lawki skszynka gorzoly i jeb jom pszes okno.
Na to Niymiec zaczyno godac:
- No, my momy tysz w pierony... nie dokonczol, bo zrywo sie ze siedzynia Turek i ryczy:
- Niy! Prosza wos, niyyyy!


Po wielu latach do nieba trefiyli prezydenci: Putin, Castro i Kaczynski. Siedzom se na niybieskiyj lonce, placzom i biadolom. Pon Bog to dojrzol i pyto sie ich o powod tego zalu.
- Niy udalo mi sie do konca stworzyc wielkiyj Rosji - pado Putin.
- Niy mortw sie, pokozoles im droga. Dalyj pojdom sami...
- Czymolech narod za morda, nic ode mnie niy miyli - ubolywo Castro.
- Niy gorsz sie, za rok na Kubie znojdom ropa i bydom mieli dobrobyt - uspokajo go Bog.
Nastympnie Bog zerknol na Kaczynskiego, przysiod sie do niego i ... tysz zaplakol.


Jechalo dwuch gliniarzy radiowozem i rychlo jednego z nich rozbolol zolondek. Godo wiync do kolegi:
- Peter, zaczymej ino auto, musza na chwila isc w kszoki. Zaczymali sie, wysiod. Po chwili znowu ryczy do kolegi;
- Peter, ciepnij mi bloczek z mandatoma - nie mom sie czym oczyc!
- Czys ty ogupiol? Wes 10 zlotych i sie wyczyj.
Po jakims czasie pechowy gliniosz wychodzi ze kszokow, ale je jakos dziwnie upaprany.
- A ty cos taki ufifrany?
- Miolech ino osiym piyncdziesiont...


Miyndzynarodowo wycieczka przyjyzdzo pod nojwiynkszy wodospad na swiecie:
- ....ooh God, it's so wonderfuuuuul.....
- ....ooh mein Gott, das ist ja wuuuuunderbar....
- ....gospodin, eto priekrasnoooojeee...
- ....o kurwa, ja pierdoooooleeee


- Tato, tato, dziko swinia zaatakowala nom naszo oma!!
- Kej sama zaatakowala, to niych sie sama teroz obroni.


II Wojna Swiatowo. Ruske soldaty beszczeszczom niymiecki cmyntosz. Skokajom se po nagrobkach czytajonc pszy okazji wto tam lezy:
- Albert Hess
- Bruno Schwarz
- Herman Guttman
- Edward von Klinkerhoffen
- Achtung Minen


Do szkoly zaproszono fotografa i nauczyciel namowio dzieci, by kozde zamowiolo se odbitki ze zdjyncia grupowego.
- Pomyscie ino, jak juz bydziecie starsi, popaczycie na te fotografie i powiycie: "To je Ania, tera ona je prawnikiem" abo "To je Kristof. Tera on je doktorym."
Na to ciynki glosik ze tylu klasy:
- A to je nosz nauczyciel. Teroz juz niy zyje.


Chopowi zaginola baba. Kamiyn w woda! On szaleje: wydzwanio na policja, pogotowie, szuko po szpitalach, drynczy rodzina i znajomych - Nic! Po dwuch dniach wielkich poszukiwan wpado do dom i... slyszy jakes larmo w kuchni. Zaglondo i widzi, ze jego baba kszonto sie rychtujonc kupa klapsznit i zokonsek...
- Kochanie, jo od zmyslow odchodza, co sie stalo, kas ty bola, pol miasta cie szuko!
- Ach, szac, niy uwierzysz, co mi sie pszytrafiolo: porwalo mie poruch facetow, zawiozlo do jakis fajnyj chaty a tam seks: orgie, pozycje take, siake, od pszodu, od zadku, afrodyzjaki, gadzety, no godom ci - koszmar! I tak pszes caly tydziyn!
- Zaros, zaros, dziubek, jaki tam tydziyn? Pszeca nie bylo cie ino dwa dni?
- Ja ja, jo zech inoch wpadla na chwila po kanapki!


Po zakonczyniu zimnyj wojny jednostki specjalne USA i Rosji przeprowadzajom wspulne manewry.
Do sali, w keryj zebrali sie zolnierze obu narodow wchodzi amerykanski sierzant i godo:
- Dzisiej cwiczymy skoki z malych wysokosci - pulap 200 metrow.
Na to Ruski wpodajom w panika. Po naradzie jedyn z nich wystympuje i pyto czy niy mogliby skokac ze 100 metrow.
Zdziwiony sierzant odpowiado:
- Ale na 100 metrach lotu nie rozwinom sie wom pszeca spadochrony!
Na to wszyske Ruski zgodnie:
- Oo.!? To dzisiej skokomy ze spadochronami?


Do sklepu wpado jedyn chop i pyto sie sklepiorki:
- Je cuker w kostkach???
- Niy ma! - Odpowiado slepiorka
- A mocie jakos inno, tonio bomboniyrka do mojyj tesciowyj? ...


Zrobioles zadanie domowe?
- Prosze paniom, mutra mi zachorowala i musiolech wszysko w doma robic...
- Siadej, dwuja! A ty Witku, zrobioles zadanie?
- Jo prosze paniom musiolech fatrowi pomogac na polu...
- Siadej, ty tysz dwuja! A ty Antek, zrobioles zadanie?
- Jake zadanie, prosze pani, moj brat wyloz wczoraj ze winziynia, tako biba bola, ze szkoda godac!
- Ty mie sam ino twoim bratym niy strosz! Siadej, truja.


Wyniki szczyleckie w jednyj ruskiyj jednostce wojskowej:
Iwanov - minol
Pietrov - minol
Sidorov - Pietrov


Globus Zbro...

zawsze nom sie kedys marzol globus Zbroslawic... dziynki ruskim satelitom i firmie Adobe, udalo nom sie noreszcie tyn piyrwszy oficjalny globus zbajstlowac... Globusu niy uzywac do zeglugi wielkiej po Dramie i lekcjach geografii...


- Ojciec, czymu oma biego tak zygzakiym?
- Niy godej tyle, podowej lepiyj magazynki!


Dwie fajne dziolchy trefioly sie w sobota popoledniu we kawiarni i osprawiajom co bydom robic na weekend.
Jedna godo: "Ino trocha gupio zech akurat dzisiej ciota dostala"
Drugo na to: "No widzisz, i juzas caly weekend bydzie do dupy!" ...


Jedyn chop godo do kumpla:
- Moja familijo pszezola ostatnio straszno katastrofa kolejowo.
- Niy godej - co sie stalo?
- Tesciowo pszyjechala do nos pociongiym ...


-Ty, Werner, niy chcesz ty sie kedys tak wreszcie ozynic?
-A po co? Mom w doma dwie pikne sioszczyczki co sie o mnie starajom!
-No ja, ale pszeca siostry to zodyn ersatz do zony!
-A kto pedziol ze to som moje siostry?!


Co cza robic jak sie czowiek na Autobahnie pomyli i niywiy kaj je?
- Zawrocic i wlonczyc radio ...


Odbywo sie rozprawa w sondzie. Jedyn chop je oskarzony o zamordowanie sfojyj tesciowyj. Syndzia pyto co oskarzony mo na obrona. - Wysoki Sondzie, jo je niywinny. To bolo tak: Siedziolech se na seslongu w kuchni i obierolech banana, kedy nagle wyslizgnola mi sie z rynki skorka, a potem wypod mi noz i naro do kuchni wlazla moja tesciowo i poslizgnola sie na tyj skorce, i obalola sie na tyn noz ... .... i tak siedym razy Wysoki Sondzie.


Jedyn chop budzi w nocy sfoja kobita:
- Kochanie, kochanie obudz sie - mom do ciebie tabletka na bol gowy.
- Ale misiu, mie przeca wcale gowa niy boli ...
- Haa! Mom cie...


Jedzie ciynzarowka pierochem wysoko zaladowano. Kierowca - leber jedyn, chciol przejechac pod mostem, ale sie pod nim zaklinowol. Przyjechala policja, gliniosz loto dookola, gupio sie paczy i godo:
- No i co? Zaklinowal sie pan?
Na co kierowca:
- Niy, pieronie-jeronie! Most zech wioz i mi paliwa braklo!


Po dugim larmie, prosbach i grozbach jedyn chop wreszcie kupiol swojyj babie piynkne futro. Ona gladzi je tak richtich zachfycono i godo:
- Zol mi ino tyj biydnyj gadziny, kero do mojyj przyjymnosci lostala obdarto ze skory...
- Dziynkuja kochanie zes nareszcie o mnie pomyslala ... - wzdycho chop.


Biografia Mirka Klose, naszego specjalnego wyslannika ... Po slonsku!

Miroslaw Klose - specjalny wyslannik slonska w Bundeslidze ...

Milicjanty potronciyli radiowozym jedna staro baba. Wysiedli z auta, a ona ryczy, ze chce farorza.
- Skond my jyj tera farorza wyczasnymy? - zastanawiajom sie gosno milicjanty.
- A to w bagaznikach ich juz nie wozita? - pyto sie ich baba.


Pani w szkole:
- Czy pamiyntaliscie, aby przez weekend zrobic dwa dobre uczynki?
Na to odzywo sie Antek:
- Jo ja. Jak przyjecholech w sobota do mojyj ciotki, to ona sie bardzo uradowala, a jak zech nastympnego dnia wyjyzdzol to ona sie jeszcze bardziyj cieszola!


Jedna baba wysylo chopa-policjanta do sklepu po sztrajhycle (zapalki):
- Ino kup dobre, zeby sie dobrze pololy -- dodowo.
Po pol godzinie policjant wroco, kladzie pudelko na stole i godo zadowolony:
- Bardzo dobre zapalki. Wyprobowolech w sklepie. Wszyske sie polom.


Spotyko sie dwuch kumpli po latach, jeden z nich je artysta, muzyk.
- Czeeees chopie! Kupa lot! Stary, kupiolech Twoja plyta, ona je po prostu genialno!
-Aaaaaaaaaaaaaaaaaaaa, to tys to bol!


Idzie policjant z psym, a z naprzeciwka jakis pijok:
- Co ty to za swinia wlyczesz na tyj smyczy???
- To niy swinia, to pies - poprowio go policjant.
- Niy do ciebie godom ...


"Slonsko piosynka"

(mp3, ca. 2,4MB)


W ksiyngarni jedyn zomowiec prosi o cos lekkego do czytanio.
- No... (zastanawio sie sklepikorz) - Momy "W pustyni i w puszczy"...
- Dobra. Biera "W puszczy".


- Maaamooo, jo niy chca is do szkoly!
- Jasiu, zaczol sie rok szkolny i musisz is!
- Alee maaamoo, jo niy lubia szkoly!
- Jasiu! Idz do szkoly, zoboczysz bydzie bardzo fajnie.
- Ale maaamoo, dzieci mie niy lubiom i jo ich tysz niy lubia!
- Jasiu! Musisz is do szkoly, w koncu jestes tam dyrektorym!


Jedyn chop spotyko kumpla policjanta na ulicy.
- Czes, co robisz?
- Niesa piwo do naszego komyndanta.
- A po co ci te drzwiyza?
- Kozol mi przeca tyz przynies cos do otwiyranio.


"Porady seksualne Radia Maryja ..." 

(mp3, ca. 1,7MB)


Jedyn chop w robocie: wyboczcie panie kierowniku, ale w tym miesioncu zech premii niy dostol...
Kierownik: Wybaczom wom.


Bol wypadek na ulicy, policjanci spisujom raport. Jeden z nich pisze:
- ... gowa lezala na chodni... hodni...
Kopnol w gowa i pisze dalej:
- ...na ulicy.


Chop i baba wpadajom na bahnhof, drapko lecom na peron, niystety, za pozno. Chop odwroco sie do baby i ryczy:
- Kebys sie tak nie gramolola to by my zdonzyli!
- Kebys mie tak niy poganiol, to by my krocyj czekali na nastympny!


Przychodzi jedyn chop do komisariatu zglosic zaginiyncie sfojyj baby.
- Prosza o rysopis - godo do niego policjant.
- Mo rzodkie, sfetowane, siwiejonce wosy, srogi siny nos, zeza, ciongnie za sobom nogi, smierdzi... Tfu! Wiycie co? Niy szukejcie jyj wcale!


Do lezoncego w parku na lowce jednego chopa podchodzom policjanty. Jeden z nich do niego godo:
- Dokumenty poprosza.
- Nie mom - odpowiado chop.
Policjanty na to:
- No to idymy!
- No to idzcie!


Wiysz - pado jedyn chop do drugiego - chyba mi baba umarla!
 - Niygodej, a poczym zes to poznol?
 - W lozku je jak zwykle, ino czornych gorkow i prania to durs przybywo! ...


 Czy idzie sie golom dupom na jeza siednonc zeby wcale to niy bolalo?
-Ja idzie, ale jak tyn jez je ogolony abo to niy je naszo dupa ...


Jedyn mysliwy wybrol sie wczesnie rano na polowanie. Przeszol sie kawalek po lesie i se mysli:
 - Jeronie, ale zimno! Ida lepiyj do dom, dzisiej sowiso nic niy upoluja.
Poszol wiync do dom, rozebrol sie i wloz spowrotym do lozka.
 - To ty kochanie? - pyto sie go jego zaspano baba.
 - Ja dziubek, to jo.
 - Zimno na dworze?
 - Oj, pizdzi jak w keleckim!
 - No widzisz, a tyn kretyn poszol na polowanie ...


Idzie wogule po Czarnobylu jesc nasze sfojskie jabka?
-Ja, idzie, ino ze ogryzki cza skludzac w olowianych kiblach ...


Jedyn chop wraco nad ranym do dom. Wkurzono zona sie go pyto:
- Kas ty to tak dugo bol? Calo noc zech na ciebie czekala i nawet oka zech niy zmruzola!
- I ty myslisz ze jo spol? ...


Dwie blondyny chcialy dostac nagroda Nobla. Jedno z nich wpadla na gynialny pomys:
 - No to moze polecymy na slonce?
 - Cos ty gupio, przeca sie spolymy!
 - No to polecymy w nocy! ...


Przylajzi jedyn chop o czecij nad ranym do dom i w antryju baba na niego sie wydziyro:
 - No wiysz ty co? Taki ozarty mi o czecij rano do dom przylajzic!!!
On jyj przerywo i godo:
 - Niy, niy, jo zech ino po gitara przyszol! ...


Czymu niykery mo glaca a inny niy?
- Wszyscy majom glaca, ino na niywtorych wosy rosnom ...


Przy rozwodzie pyto sie syndzia jednego chopa:
 - Prowda to ze wy juz od roku z waszom kobitom niy godocie?
 - No dyc, niy chciolech jyj przeca przerywac! ...


Jako je roznica pomiydzy optymistom a pesymistom?
-Optymista uczy sie po angielsku a pesymista po chinsku ...


Synek pyto sie ojca:
 - Idzie tyz srogie meble pocztom posylac?
 - Niy synek, niy idzie.
 - To czymu tyn chop na nasz fortepian znaczki kleji? ...


Dwuch malych synkow zbajstlowali se kusza i bawiom sie w Wilhelma Tella. Maly Manek stoi ze jabkiym na gowie przy scianie a Antek w niego cyluje i ... - niy trefiol w jabko ino w Manka prawe oko. Antek probuje jeszcze roz i juzas minol. Lewe oko. Manek sie wnerwiol i godo do Antka:
 - Musza juz is do dom!
 - Jeronie, niy nerwuj sie tak! Ino bo zech dwa razy niy trefiol?
 - Niy, ale moja mutra mi pedziala ze mom is do dom jak sie ciymno na dworze zrobi ...


 Jedyn mody synek z Radzionkowa pszyjechol na besuch do onkla na wies.
W piyrwsze dni onkel mu wszysko pokazuje: krowy, swinie, kury, kaczki, jakie to on niy mo srogie pola. Na czworty dziyn zaczyno sie synkowi trocha nudzic a onklowi nic juz do gowy nie wpado czym by mog tego sfojego chszesnioka zabowic. Naro wpodo na pomys:
 - Czymu niy wezmiesz einfach moja flinta i psy i niy pudziesz do lasu se trocha poszczylac?
Synkowi pomys sie piknie spodobol wiync wybrol sie z flintom i psami do lasu.
Pora godzin pozniyj synek wroco bardzo uradowany.
 - No i jak tam - pyto sie onkel - mioles uciecha, niy?
 - Jeszcze jako! - odpowiado synek - niy mosz jeszcze wiyncyj psow? ...


Pszychodzi jedyn puklaty chop do piekorza:
 - Jedyn bochynek chleba bardzo bych prosiol.
Piekorz klepie go przyjaznie po plecach i mu godo:
- Pozniyj panocku, pozniyj. Nojpiyrw polknijcie tyn jedyn ...


 Jedyn stolorz poslizgnol sie przy pilowaniu drzewa i obciol se wszyske palce.
Jego baba zawiozla go wiync do szpitala. Po jakims czasie przychodzi doktor i mu godo, ze mu ino mogom pomoc jak przywiezie te swoje palce. Stolorz jedzie wiync do warsztatu i po godzinie je nazot w szpitalu.
 - Znalazl pan te palce? - pyto sie go doktor.
 - Ja, ale zech je niy umiol pozbiyrac ...


 Dzwoni w polednie telefon w firmie. Jedyn pracownik odbiyro i wnerwiony godo do tylefonu:
 - Co za pieron mi w mojyj pauzie przeszkodzo?!!
 - Wie pan w ogole z kim pan ma doczynienia? Kowalski moja godnosc i jestem prezesem tego zakladu!
 - A wiy pan z kim pan mo przyjemnosc godac? - pyto sie ostroznie pracownik.
 - Nie.
 - To mom jeszcze roz szczynscie ...


Amerykanski farmer odwiedzo jednego srogiego niymieckego rolnika. Niymiec pokazuje mu swoja swiniarnia. Amerykon na to:
 - Moje swinie som dwa razy take srogie i ciynszke.
Niymiec wiync go prowadzi do obory z bydlym.
 - Moje bydlo je dwa razy take sroge i ciynzke - jeszcze roz sie Niymcowi chwoli Amerykon.
Niymiec widzi osla na kopli, biere kobyr do rynki, wali fest po tym osle i godo do Amerykona:
 - Te pieronske kroliki mi calo trowa zezyrajom! ...


Jedyn Czech miarkuje, ze juz langsam na oczy niydowidzi, wiync idzie do lykarza. Doktor mu pokazuje jedna plansza i koze mu czytac dolno raja: CZUKHRSKI HRBRADRZ.
 - Umie pan to przeczytac? - pyto sie doktor.
 - Przeczytac? - pado Czech - pszeca jo tego chopa znom ...


Co sie stanie, jak sie do kuchni granat wciepnie?
 - Niepozondek lostanie ino ta gupio godka sie skonczy ...


Przylajzi chop do knajpy i se zamowiol pora mocnych drinkow. Po kozdym szluku robi sie on coro bardziyj smutny. Po jakims czasie sie go barman wiync z ciekawosci pyto:
 - Co wom tak smutno panocku?
 - Ach chopie, to je straszne. Przed poroma tygodniami moja baba mi pedziala ze idzie ino drapko do kiosku po cygaryty i lod tego czasu nic zech juz lo niyj niy slyszol!
 - Chopie, niy ma tak zle, mozecie se pszeca jedna cygaryta lodymnie wzionc...


Trefiolo sie dwuch lebrow:
 -Kaj idziesz?
 -Na halba.
 -Dobra, pszegodoles mie ...


Jedna blondyna dzwoni do operatora sieci:
 -Niy umia sie polonczyc z Internetym!
 -A wpisala pani richtich haslo?
 -Ja ja, przeca widzialach jak to robiol moj chop.
 -A jakie to bolo haslo?
 -Piync gwiozdek ...


 Przy besuchu jednego znajomego w Toszku, pyto sie jedyn chop doktora, weduk czego sie sam u nich pacjynta jako wylyczonego kwalifikuje.
 -To je ganz einfach - pado doktor - Napelniomy wanna z wodom i dowomy do wyboru lyzka do herbaty, szklonka, kibel i kozymy oproznic wanna.
 -A, kapuja. Osoba zdrowo na leb wybiero kibel bo sie najwiyncyj wody w
nim pomiesci!
 -Niyy! Osoba zdrowo na rozumie wyciongnie korek!

 Dwie fajne dziolchy, czornucha i blondyna, trefiyli sie na tankszteli.
 -Juzas bynzyna podrozala - godo czornuszka.
 -Niy szkodzi, jo sowiso tankuja ino za piync dych ...


 Idzie chop pszes pustynia i sie straciol. Ale spotyko Araba, wiync sie go chop uradowany pyto:
 -Chopie, godej mi sam wartko jak sie idzie do Kairu?
Arab mu wiync tumaczy:
 -Prosto, prosto, a w czwortek w lewo ...

I caly misterny plan w pizdu ...



www.dramatal.eu

dorian@dramatal.eu